15‏/12‏/2013

واقيلا، منوالا، عام دقيوس

الكثرة تاع الكلمات في الدارجة الدزيرية موروثة من العربية الفصحى شفويا بلا ما تجوز على الكتوب والمدارس، بصح كاين شوية كلمات وعبارات اللي دخّلوهم في الدارجة القاريين نتاع بكري لي كانو يقراو بزّاف الكتب الدينية، وهاذ الكلمات ماشي دايماً باينين. الكلمات اللي دخلو شفويا ديريكْت تلقى فيهم الحركات قريب كاملين راحوا: "وَقَالَ" مثلا ولاّت "أُوقالْ". والكلمات اللي دخّلوهم القاريين تلقا فيهم الحركات مازالهم، كيما نقولو "الحَديث"، مانقولوش "لَحْدِيثْ".

واحد من الكلمات اللي تمثّل هاذ الظاهزة هي "واقيلا" من "وَقِيلَ". هاذي الجملة تلقاها بزّاف في كتب الفقه والحديث بمعنى يدل على الشك، مثلاً في كتاب الإتقان في علوم القرآن للسيوطي: "سورة التغابن قيل مدنية، وقيل مكية إلا آخرها.". والناس العاديين يسمعو الكلمة في هاذ الإطار وولاّو يستعملوها باش يعبّرو على الشك بشكل عامّ.

كي نقولو "ماشي منوالا"، المقصود ماشي أي واحد برْك. و"منوالا" من زوج كلمات تسمعهم في كل خطبة: "من والاه". كي يسمع واحد ماشي قاري "فلان ومن والاه" ولاّ "قوم فلان ومن والاهم" مايفهمش المعنى نتاع "ومن والاه"، يحسبها كلمة واحدة تكون تعني "وأي واحد لي من قومه، لي ماكالّاه نذكروهم". الحاصول ولاّو يستعملوها بهاذ المعنى، ومازالنا محافظين عليه حتّى اليوم.

علاه نقولو "عام دقيوس"؟ كي تحوّس في كتب التفسير، تلقا أشكون كان "دقيوس" هذا. القرطبي يذكر بللي كان "الملك الكافر" اللي هربوا منّه أهل الكهف. والمسعودي يحكيلنا القصة: "ثم ملك بعده دقيوس يعبد الأوثان، ستين سنة، وأمعن في قتل النصرانية، وطلبهم، ومن هذا الملك هرب أصحاب الكهف،". تعرفوا بللي أصحاب الكهف رقدو عمبالهم ليلة واحدة، وكي خرجو، لقاو بللي كانو رقدو "من عام دقيوس". واللي قرا على أصحاب الكهف بدا يمثّل بهاذ العبارة كل وقت بعيد في الماضي. ودقيوس هو إمبراطور روماني كان يحكم ما بين 249 و251، كان يعذب كل واحد لي مايعبدش الأصنام، واسمه باللاتينية Decius.

هناك 9 تعليقات:

Sonia Ben يقول...

Ya3tik essa7a!

سعودي اوتو يقول...


اخبار سيارات

سعودي اوتو

سعودي اوتو يقول...


thank you

سعودي اوتو

شركة تنظيف يقول...


thx

شركة نقل عفش بالرياض


غير معرف يقول...

مقال واعر. صحيت.

Unknown يقول...

شركة مكافحة حشرات بمكة
اذا كنت تريد الحصول علي افضل شركة تقضي علي الحشرات فصقر البشاير 0500941566 ثقة لا تنتهي فهي افضل شركة رش حشرات بمكة تقوم بمكافحة حشرات المنزل المزعجة والتي تسبب الكثير من المشاكل اليومية بجميع انواعها واشكالها وذلك عنه طريق استخدام مبيدات لها القدرة في القضاء علي اكثر انواع الحشرات مقاومة للمبيدات المختلفة ,نحن افضل شركة رش مبيدات بمكة تقوم بمكافحة النمل الابيض , مكافحة الصراصير , مكافحة العقارب وجميع انواع الحشرات نملك افضل المتخصصين في القضاء علي الحشرات ,شركة مكافحة حشرات بمكة شركة مكافحة قوارض بمكة نقدم خصومات علي رش المنزل اتصل بنا الان للحصول عليها شركة مكافحة قوارض بمكة
http://www.elbshayr.com/3/Pest-control

Unknown يقول...

بارك الله فيكم حبذا لو تواصلوا مع كلمات أخرى

Unknown يقول...

بارك الله فيكم حبذا لو تواصلوا مع كلمات أخرى

غير معرف يقول...

السلام عليكم اكثر الكلمات من القران الكريم و من حضارات عربية مثلا يزي اي يكفي هي كلمة سومرية و كلمة سقلة اي ضربة كلمة سومرية و كاين كلمات تركية و هي في الاصل سومرية مثل بوراك بلاك الي هي بلكي بلهجة سورية و الله غالب من ايام حكم الاندلس لاغالب الا الله و كاين افلا حينا منكم رجعت فلامنكو